1 From Peter

5 You know, I one elda dat show you da way fo go, so I stay tell dis to you odda eldas dat show da way fo go too. I was dea wen Christ wen suffa, an I going come togedda bumbye wit him wen erybody see how awesome he stay. 2 You guys jalike sheep guys dat take kea dea sheeps. So take kea da peopo God wen give you guys. Work hard fo watch ova dem. Do wat stay good fo dem, not cuz you gotta do um, but cuz you like do um. Do um da way God like. 3 No try make jalike one big boss ova da peopo God wen give you, but show dem how fo live.