Wat Jesus Show John

3 I wen hear one loud voice from da throne tell, “Try look! God’s tent stay wit da peopo, an he going live wit dem, an dey going be his peopo. An God going be wit dem. 4 An he going wipe away all da tears from dea eyes, an nobody going mahke no moa, stay sad inside, o cry, o suffa no moa. All dose tings dat wen happen befoa going be pau.” 5 An da One dat sit on top da throne tell, “Try look! I stay make eryting all new.” Den he tell, “Write um down da words, cuz az true an you can trus um.”