Wat Jesus Show John

3 And he take me wit da spirit powa to da boonies. Dea I see one wahine an she stay sitting on top one red wild animal dat had seven heads an ten horns. An it had choke names dat talk pilau about God. 4 Da wahine wear purple an red clotheses an get gold, nice kine stones an pearls. She get in her hand one gold kine cup dat get plenny pilau kine stuff an da pilau sex kine tings she do. 5 On her head get da name dat nobody know, Babylon da Great, da maddah of all da hookas an da pilau stuffs on top da earth. 16 Da ten horns you wen see an da Wild Animal, dey goin hate da hooka. Dey goin rip away eryting she get so dat she no moa notting, not even clotheses. Dey goin eat her up an burn her up wit fiyah.