Fo Da Colosse Peopo

15 He da picha of God who we no can see, da firs one God wen make befoa eryting else. 18 He da head of da Christian hui, jalike da head stay in charge of da body. He da One dat wen start eryting. He da firs an da main One dat wen come back afta he wen mahke. Az why he da Numba One Guy fo eryting. 20 An God wen make all da odda tings good wit him thru da blood Jesus wen bleed on top da torcha pos. Az how God wen make eryting an erybody come pono wit him - eryting in da world an in da sky.