Da Start

15 Da messenja guy from da sky, he talk fo Jehovah. He talk to Abraham from da air one moa time. 16 He tell “Eh, dis me Jehovah an I going make one strong promise an I da one dat make shua I fo real kine going do wat I tell I going do. Dis da promise I going make: Cuz you wen do dis ting, an you neva hold back yoa boy, an he da ony one you get, 17 I going make eryting come good fo you fo real kine. Da peopo dat going come from you bumbye, I going make dem come choke plenny peopo, jalike get plenny stars inside da sky an plenny sand on top da beach. An dey going take ova da towns wea da peopo dat stay agains dem live. 18 All da diffren peopos all ova da world, bumbye wen dey tink bout da peopos dat come from you, dey going tell, ‘God do good tings fo us, cuz a da Abraham ohana!’ Dey going tell dat cuz today, you wen do wat I tell you fo do.”