Daniel

41 You wen see dat da feets an da toes was part clay an part iron. Dat mean, da govament no going stay togedda. But still yet, dey going be strong, jalike da iron dat stay mix wit da clay. 42 Jalike da toes stay one part iron an one part clay, so dis govament going be litto bit strong, an da odda part easy fo broke. 43 Jalike you wen see dat da iron mix wit da clay no stay togedda, da peopos no going mix togedda wit da govament. Dat jalike da iron no stick togedda wit da clay.