Jesus Guys Wat Dey Wen Do

27 So Philip go, an he come by one govament guy from Etiopia. He one real importan guy dat stay in charge a all da money fo Queen Candace from Etiopia side. Dis Etiopia guy go Jerusalem fo go down an pray to God. 28 An now he stay go home, an he stay sit inside his wagon. He read da book dat Isaiah write, da guy dat talk fo God befoa time. 29 Da Good An Spesho Spirit tell Philip, “Go by dat wagon an stay nea him.” 30 Philip run ova dea, an hear da guy stay read Isaiah book. Philip ask da guy, “You undastan wat you stay read, o wat?” 31 Da Etiopia guy tell, “I no can undastan um if nobody tell me wat dis mean.” Den he tell Philip fo climb inside da wagon an sit down by him. 38 Da guy tell his worka guy fo stop da wagon ova dea. Den Philip an da guy go down inside da watta an Philip baptize um.