Luke

39 One crook dat stay hanging dea talk any kine to him. He tell, “Eh, you da Spesho Guy God Wen Send, o wat? Den get outa dis, an get us guys out too!” 40 But da odda crook scold him, an tell, “Eh, you no sked God, o wat? Dey wen tell you gotta mahke, too, jalike him. 41 Us guys get da pay fo wat we wen do, but dis guy, he neva do notting wrong!” 42 An da guy tell Jesus, “Jesus, no foget me wen you come da King!” 43 Jesus tell him, “I tell you dis today, you going be wit me inside Paradise.”