1 From Peter

15 Get choke respeck fo Christ in yoa heart, erytime stay ready fo tell anybody dat ask you how come you know eryting going come out good fo you, but tell um nice kine, an show respeck to dem. 16 Erytime stay do da right ting. Cuz you do good kine stuff an stay tight wit Christ, going get guys dat talk bad about you guys. Dem guys going come shame cuz dey talk any kine about you guys. 18 Even Christ, da guy who do wass right all da time, had mahke ony one time fo all da sins of da peopo who do bad stuffs. He wen do dat so you can find God. He was one man wen dey had kill him. But he had come back alive as one spirit.