Wat We Gotta Do fo Make Jehovah Happy?

No do bad kine stuff. Numba 1 Fo Da Corint Peopo 6:9, 10

If we get love an aloha fo Jehovah, we no do wat he hate.

Jehovah no like us rip peopo off, get all buss, an drugs, no can abuse um.

God, he hate murda, hemo da baby befo born, guys who sleep wit guys an girls who sleep wit girls. He no like us hog everyting fo ourself. He no like us beat up odda peopo.

We no can pray to da idol kine gods. No try talk to da spirit, like da obake, or da mahke guys.

Peopo who do all dis, no goin live in God’s Spesho Place.

Only do good kine tings. Matthew 7:12

Fo Jehovah be happy wit us, we gotta be jus like him.

Gotta spread love an aloha, no hold back.

Be fair.

Be cool headed an fogive oddas.

Tell oddas about Jehovah an wat he stay like.​—Isaiah 43:10.