Da Watchtower LIBRARY ONLINE
Watchtower
LIBRARY ONLINE
Hawai’i Pidgin
  • BIBLE
  • PUBLICATIONS
  • MEETINGS
  • lfb lesson 35 p. 86-p. 87 par. 1
  • Hannah Pray Fo One Boy

No video available for this selection.

Sorry, there was an error loading the video.

  • Hannah Pray Fo One Boy
  • Wat You Can Learn From Da Bible Stories
  • Similar Material
  • Jehovah Rememba All Oua Tears
    Da Place Fo Watch From Tellin Bout Jehovah’s Govament (Study Kine)—2024
Wat You Can Learn From Da Bible Stories
lfb lesson 35 p. 86-p. 87 par. 1
Hannah give her litto boy Samuel to Eli at da tent

STORY 35

Hannah Pray Fo One Boy

Elkanah, one Israel guy, had two wifes, Hannah an Peninnah. But he wen love Hannah moa. Peninnah wen make fun of Hannah all da time cuz Hannah neva have kids, an Peninnah had choke. Ery year, Elkanah wen take his whole ohana to Shiloh town fo worship Jehovah. One time wen dey wuz dea, he had see his sweetheart Hannah crying. He tell her: ‘Please no cry, Hannah. You get me! I love you plenny you kno.’

Layta on, Hannah wen go pray by herself. Wen she wuz asking Jehovah fo help she no could stop bawling her eyes out. She promise: ‘Jehovah, if you give me one boy, I go hanai him, an give him back to you fo him work fo you da res of his life.’

Main Pries Eli see Hannah cry an pray same time

Eli, da Main Pries Guy, see Hannah crying real hahd, so he wen tink she wuz all wasted. Hannah tell: ‘Oh mista, I no stay all buss! I stay all hammajang inside an stay talking to Jehovah about um.’ Eli feel bad about wat he wen say cuz he had get um wrong about her. So he tell: ‘I hope God give you wat you wen ask.’ Afta dat, Hannah wen feel betta. Befoa you kno it, not even one year had go by an she had give birt to one bebe boy. She had name him Samuel. Ho, try tink how happy she wuz wen dat had happen!

Hannah neva foget wat she had promise Jehovah. Wen she no need breas feed Samuel no moa, she wen bring him to Shiloh town fo work fo Jehovah. She tell Eli: ‘Dis da boy I wen pray fo. I give him back, fo be Jehovah’s boy fo da res of his life.’ From dat time on, Elkanah an Hannah go visit Samuel ery year an give him one new robe she make fo him. Bumbye, Jehovah wen give Hannah three moa boys an two girls.

“If you no stop asking, you going get um. If you no stop looking, you going find um.”—Matthew 7:7, NWT

Try ansa: How come Hannah wuz all hammajang inside? Wat good kine tings Jehovah wen do fo Hannah?

1 Samuel 1:1–2:11, 18-21

    Hawaiʻi Pidgin Publications (2019-2025)
    Log Out
    Sign In
    • Hawai’i Pidgin
    • Share
    • Preferences
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Sign In
    Share