Kokua All Oua Braddahs

1. We like kokua all oua braddahs,

Help dem keep serving Jehovah.

We treat each odda wit aloha,

Cuz we stay one big ohana.

We come mo strong wen we togedda,

Help us hando all da pressha.

Da meetings wea we get protection,

Wea we find love an aloha.

2. Can help oua braddahs wit wat we say,

Show love an give dem good kine words.

Dese words can make oua hearts rest inside,

Make us close to oua braddahood.

Is so good fo be wit oua true frens,

We all workin fo oua faddah.

Go make each odda come mo solid,

An make da time fo malama.

3. We see da times dat we stay living,

Dat God’s day no stay far away.

Gotta make shua we stick togedda

Fo keep us going da right way.

Foeva we Jehovah’s peopo.

Foeva one big ohana.

So we kokua all oua braddahs,

Fo be solid wit oua faddah.