STUDY 5

Read Correck

1 Fo Timoty 4:13

MAIN TING: Read out loud wat stay on da page.

Make ready. Wateva you stay reading, try figga why dey wen write um. Try practice reading da words togedda, no jus read one word at a time. No put in, take out, or change up da words. Follow all da punctuation marks.

Ask one fren fo lissen to you read, an tell you if you neva read someting correck.
Say da words correck. If you donno how fo say one word, lissen to da recording in da publication, or ask somebody dat read good fo help you.
Talk clear. Wen you talk no mumble, hold yoa head up high an open yoa mout. Try hahd fo say ery word clear.

No talk so clear dat yoa reading no sound natural.