STUDY 14

Make Da Main Points Clear

Heb 8:1

MAIN TING: Make yoa talk easy fo yoa lissenas follow, an make um clear how da main points conneck to da idea of yoa talk.

Figga out wat you trying fo do. Try tink if you trying fo teach dem someting, convince um, or pump um up. Den make shua all yoa main points match up wit wat you trying fo do.

Ask yoaself: “Wat questions my lissenas might have about wat I goin talk about? In wat order dey might ask dose questions?” Den put yoa main points in da same order so yoa lissenas can follow along, undastan, an agree wit wat you telling.
Stress da idea of yoa talk. At diffren times in yoa talk, tell da idea again or use odda words dat mean da same ting.
Try make shua yoa main points stay clear an simpo. Ony pick main points dat conneck to wat yoa talk stay about, an try teach um good wit da time you get. No use plenny diffren points. Make all yoa main points clear, an no jus run one into da odda. Make um smooth wen you go from one point to da nex.

You can talk about da main points in da beginning of yoa talk fo help yoa lissenas follow along, or can tell um again at da end of yoa talk fo help dem rememba.