Pioneerin

Wen we use oua mana fo do moa fo Jehovah, neva goin be poho. (1 Cor 9:26) Reachin out fo spiritual tings iz da bes ting we can do befo da world come pau. (Efe 5:15, 16) Try use yoa ohana worship fo wala’au about doin moa fo Jehovah da nex service yea from Septemba 1 to August 31. Dis meetin book get some tings you can pray about dat can kokua you fo reach out.​—Jam 1:5.

One ting you can do iz try work wit yoa ohana an figga out if one of you guys can come one full-time pionea preacha. An if you not shua you can do um, try wala’au wit some odda full-time pionea preachas who stay in da same slippas as you. (Smart Guys 15:22) Maybe you can invite one pionea preacha to yoa ohana worship, an talk story wit dem, an see how dey wen do um. Den write out some diffren kine plans dat might work fo you. If you had one chance fo be one pionea preacha befo, maybe you can do um again.

You tink somebody in yoa ohana can be one part-time pionea preacha fo part of da yea? Even if you havin hard time an come tired fas, maybe you can preach litto bit eryday an still yet be one part-time pionea preacha. Wat if you hardly get any time in da week cuz you gotta work o you stay in school? Try pick one mont dat get one holiday o five weekends. Write um down on da calenda wat monts you tink you can be one part-time pionea preacha, an den plan um out.—Smart Guys 21:5.

WATCH UM DA VIDEO, NO SKED BE ONE . . . PIONEA PREACHA, AN DEN ANSA DIS QUESTION:

• All da stuff dat sista Aamand had go thru, how dat show Jehovah goin malama all da guys dat like be one pionea preacha?