How Fo Use Da Talk Story Sampos

Plenny work wen go into makin da talk story sampos. An choke preachas wen find dat dese sampos had work good fo wea dey live. But, cuz tings not da same erywea, preachas can use sometin diffren in dea own preachin. Like changin um up by usin anodda question, o talkin about sometin else dat da locals goin like. But wen come to one spesho campaign, erybody gotta stick to da instrucktions. Da main ting we like do iz wat Jesus had tell us, dass fo share da good kine tings wit erybody.​—Mat 24:14.

Wen learnas get parts at da meetin, dey should use da main poin of da talk story sampo in da Live, Preach An Teach Meetin Book. But, if da book no tell gotta use um, dey can choose one diffren question, scripcha, question fo nex time, o wea dey stay preachin dat match up betta fo wea dey live. Dis iz one change from wat had on page 8 in da June 2020 meetin book.