Get Da Smarts Fo Live On Top JW.ORG

Da Bible give us erytin we need fo hando da preshas we get befo da world come pau. (2 Tim 3:1, 16, 17) But, sometimes we might need da help fo get da Bible’s mana’o on sometin dat we stay goin thru. Maybe you goin thru dis: you one madda o fadda lookin fo help on how fo raise yoa kids? You one younga guy who gettin hard time be one Witness Fo Jehovah? Maybe yoa odda half had mahke, an you stay all soa inside? You goin find stuff on jw.org dat goin show you da Bible’s mana’o fo help you wit watevas you goin thru.​—Smart Guys 2:3-6.

On da jw.org/hwc home page, press on da words WAT DA BIBLE TEACH. (Spock picha 1.) From da lis dat drop down, pick sometin ova dea dat you like know moa about. O press LIBRARY > ARTICLE SERIES an pick sometin ova dea dat you like. (Spock picha 2.) Dese same tings stay in JW Library^® too.a Maybe you jus like look thru da articles in eitha one of dem. Anodda ting you can do iz type in da search bar exackly wat you like know on jw.org/hwc.

Try type dese tings in da search bar, an spock da articles dat pop up, an write down da ones you like read o lissen to.

• Takin kea of yoa keiki

• Younga guys who stay real soa inside

• Wen yoa odda half mahke