Married​—Togedda Fo Life

Wen one marriage stay pono, dat bring honor to Jehovah an make da husband an wife happy. (Mar 10:9) If you like one happy marriage dat goin las, good fo use da Bible’s mana’o wen you pickin somebody fo marry.

Moa betta you wait till you “ol enuff” befo you date. Cuz wen you young, you get strong sex kine feelins dat can jam up yoa tinkin. (1 Cor 7:36) Be akamai while you stay single, an use dat time fo come moa betta at ackin jalike Jesus an comin tight wit Jehovah. Den, you goin be able fo give yoa bes fo have one good marriage.

Befo you say yes fo marry somebody, take da time fo know dem real good, fo know who dey stay fo real on “da inside.” (1 Pet 3:4) If you gettin second thoughts about anytin, would be good fo talk about um wit whoeva you datin. Fo be tight wit oddas, you gotta give moa den you take. Dass how gotta be if you stay marry too. (Php 2:3, 4) Wen you follow da Bible’s mana’o befo you stay marry, dat goin set you up fo one solid, supa happy marriage.

WATCH UM DA VIDEO MAKE READY FO GET MARRIED​—PART 3: “FIGGA OUT HOW MUCH GOIN COST,” AN DEN ANSA DESE QUESTIONS:

• How da sista an Shane wen come moa closa?

• Wen dey got moa close, wat she wen start fo see?

• How her parents wen help her, an wat akamai ting she wen choose fo do?