You Usin Da Audio Bible All You Can O Wat?

Wat iz dat, da audio Bible? Da audio Bible iz one recordin of da revised New World Translation. Stay comin out litto by litto an in plenny diffren languages. One of da cool tings about da audio Bible iz dat get one diffren voice fo ery guy dat stay in da Bible. An wen dey read um, dey read um good wit da right kine feelin so moa easy fo know da trut dat da Bible tell.

How come iz good fo lissen to da audio Bible? Plenny guys who lissen to da audio Bible love how da ting make da Bible come alive. Wen get one diffren voice fo each guy in da Bible readin, make um moa easy fo dem picha an undastand wat stay goin on. (Smart Guys 4:5) Some guys even tell dat wen stuff bodda dem, make dem feel good inside wen dey lissen to da audio Bible.​—Songs 94:19.

Wen we lissen to da audio Bible, can affeck us big time. (2 Rec 34:19-21) If get part of um o da whole ting in one language you undastand, you tink you could try add um to yoa regula spiritual study o wat?

WATCH UM DA VIDEO HOW DEY MAKE DA AUDIO BIBLE​—PART OF UM, AN DEN ANSA DIS QUESTION:

Wat you wen like about how dey wen make da audio Bible?