LIVE JALIKE JESUS
Dey Work Hard Fo Take Kea Us
Da braddahs fo da circuit an dea wifes work hard fo show plenny love an aloha fo da guys dey take kea of. Jalike us guys, dey need stuffs fo live, an sometimes dey come tired, get bum out, an even worry plenny. (Jam 5:17) Still yet, ery week wen dey visit one local hui, dey do all dey can fo kokua da braddahs an sistahs fo feel real good inside. Dass why az good fo show “even mo plenny respeck” to da circuit ovaseahs.—1 Tim 5:17.
Wen braddah Paul was making ready fo share “da good kine stuff from God” wit da local hui in Rome, he no could wait fo get back “good kine words” from dem too. (Rome 1:11, 12) You eva wen tink how you can make yoa circuit ovaseah an his wife, if he get, feel even moa betta?
WATCH UM DA VIDEO DA LIFE OF ONE CIRCUIT OVASEAH IN DA BOONIES, AN DEN ANSA DESE QUESTIONS:
In wat kine ways da circuit ovaseahs an dea wifes show plenny love an aloha fo da local huis?
Cuz of dea hard work, how dat was good fo you?
How we can kokua dem fo feel even moa betta?