You Can Work Hard Fo Make Yoa Ohana Happy

Jehovah like erybody’s ohana fo be happy. (Songs 127:3-5; Teacha 9:9; 11:9) But cuz erybody in da ohana no stay perfeck, an all da pilikia we get from living in dis world, sometimes dat can jam us up fo no be happy. How erybody in da ohana can do dea part fo make um happy?

One husban gotta give his wife plenny respeck. (1 Pet 3:7) He spend time wit her, he show her he tankful fo da stuffs she do fo him an da ohana, an he no expeck her fo do eryting fo erybody all da time. (Col 3:15) He show her love an aloha an tell her how awesome she is.​—Smart Guys 31:28, 31.

One wife always gotta look fo ways fo back up her husban. (Smart Guys 31:12) She like lissen her husban da way God tell, an work togedda wit him. (Col 3:18) She talk nice to her husban, an no talk stink about him to oddas.​—Smart Guys 31:26.

Parents gotta spend time wit dea kids. (Rules 6:6, 7) Dey make shua dey tell dea keiki how much dey love um. (Mt 3:17) Wen dey gotta correck dea kids, parents show aloha an teach um da right way.​—Efe 6:4.

Kids gotta lissen, an do wat dea parents tell. (Smart Guys 23:22) Dey tell dea parents wat dey stay tinking an feeling. Dey no get huhu wen dey get correcked, an always show plenny respeck.​—Smart Guys 19:20.

WATCH UM DA MADE UP KINE VIDEO WORK HARD FO MAKE YOA OHANA HAPPY, AN DEN ANSA DIS QUESTION:

How erybody wen work hard fo make da ohana happy?