FEBRUARY 19-25
SONGS FO GOD 8-10
Song 2 An Prayer | Wat We Going Learn (1 min.)
1. “Jehovah, I Going Tell Good Tings About You”!
(10 min.)
Jehovah is supa good to us (Songs 8:3-6; w21.08-E 3 ¶6)
We happy fo tell odda peopo all da awesome tings Jehovah do (Songs 9:1; w20.05-E 23 ¶10)
We tell good tings about Jehovah wen we go all out fo sing to him (Songs 9:2; w22.04-E 7 ¶13)
TRY TINK, Wat odda ways I can tell good tings about Jehovah?
2. Good Kine Tings
(10 min.)
Songs 8:3—Wat da song writa wen mean wen he had talk about God’s hands? (it-1-E 832)
Wat good kine tings from da Bible reading you like share?
3. Bible Reading
(4 min.) Songs 10:1-18 (th-E study 11)
4. Trying Fo Talk Story Da Firs Time
(3 min.) HOUSE TO HOUSE. Somebody at da door tell you dey no believe in God. (lmd lesson 5 poin 4)
5. Going Back Again
(4 min.) RELAX KINE PREACHING. Da las time you wen talk story, da guy told you he no believe in God but he open fo check out proof dat we get one Mayka. (th-E study 7)
6. Talk
(5 min.) w21.06-E 6-7 ¶15-18—Wat Stay About: Help Yoa Bible Study Fo Tell Good Tings About Jehovah. (th-E study 10)
Song 10
7. How Fo Be Natural Wen You Do Relax Kine Preaching
(10 min.) Talk wit question an ansa.
We can tell good tings about Jehovah even moa by preaching to da guys we meet thru da day. (Songs 35:28) At first, we might be nervous fo do relax kine preaching. But wen we learn how fo talk story in one natural way, we can come good at um an going like do um!
Play da VIDEO Stay Ready Fo Tell Da Good Stuff About How Eryting Going Come Good—No Sked, Give Um. Den ask erybody:
Wat you learn from dis video dat going help you fo be moa betta at relax kine preaching?
Hea some tings dat going help you fo get started:
Erytime you leave yoa house, look fo one chance fo talk story. Pray about um, an ask Jehovah fo help you find somebody who like lissen
Be nice an show you kea about da guys you meet. Try find out someting about da guy so you know wat Bible trut dey going like
If not weird, see if can get dea info an give um yoas
No get bum out if you neva get one chance fo preach to dem
Tink about da guys afta you pau talk story. Show dem you kea by sending um one link to one scripcha o one lesson on top jw.org
Try dis: If somebody ask you, Wat you wen do dis weekend?, tell um about someting you wen learn at da meeting o how you teach da Bible to oddas.
8. Wat Da Local Hui Need
(5 min.)
9. Bible Study Wit Da Local Hui
(30 min.) bt-E chap. 6 ¶1-8 an intro to part 2