APRIL 29–MAY 5
SONGS FO GOD 34-35
Song 10 An Prayer | Wat We Going Learn (1 min.)
1. “All Da Time I Go Tell Good Tings About Jehovah”
(10 min.)
David tell good tings about Jehovah even wen he was going thru hard times (Songs 34:1; w07-E 3/1 22 ¶11)
David wen talk big about Jehovah, not himself (Songs 34:2-4; w07-E 3/1 22 ¶13)
David wen build up da guys aroun him wen he wen tell awesome tings about Jehovah (Songs 34:5; w07-E 3/1 23 ¶15)
Afta David wen get save from Abimelek, 400 guys who no was happy wit King Saul wen hui up wit David in da boonies. (1 Sam 22:1, 2) David was maybe tinking about dese guys wen he wen go write dis song.—Songs 34, words befoa da song.
TRY TINK, At da nex meeting, how I can tell awesome tings about Jehovah wen I talking wit somebody?
2. Good Kine Tings
(10 min.)
Songs 35:19—Wat dat mean wen David wen say “no let dem smile”? (w06-E 5/15 20 ¶2)
Wat good kine tings from da Bible reading you like share?
3. Bible Reading
(4 min.) Songs 34:1-22 (th-E study 5)
4. Trying Fo Talk Story Da Firs Time
(2 min.) RELAX KINE PREACHING. You neva get chance fo tell dem about Jehovah wen you was talking story. (lmd lesson 1 poin 4)
5. Going Back Again
(4 min.) RELAX KINE PREACHING. (lmd lesson 2 poin 4)
6. Tell Wat You Believe
(5 min.) Demo. ijwfq-E 59—Wat Stay About: How Witnesses Fo Jehovah Know If One Holiday Is Ok? (th-E study 17)
Song 59
7. Three Ways We Can Tell Awesome Tings About Jehovah At Da Meetings
(15 min.) Talk wit question an ansa.
At da meetings, we get one chance fo tell how awesome Jehovah. Dis three ways.
Talking Story: Tell how good Jehovah wen talking to oddas. (Songs 145:1, 7) You wen read o hear someting dat wen kokua you? Someting good wen happen in field service? Somebody wen say o do someting dat wen build you up? You wen see someting Jehovah wen make dat wen blow yoa mind? All dis come from Jehovah. (Jam 1:17) So come early so you can talk story wit erybody.
Ansa: At ery meeting, try ansa at leas one time. (Songs 26:12) You could just ansa da question o talk about one odda poin, one scripcha, one picha o how fo use wat you learning. Get moa den one ansa ready cuz odda guys going raise dea hand same time az you. If oua ansa stay 30 seconds o less, moa guys going get chance fo “tell plenny good tings” about God.—Heb 13:15.
Songs: Go all out fo sing Jehovah’s songs. (Songs 147:1) If yoa local hui stay big, might not get chance fo ansa erytime, but fo shua you can always sing da songs. Even if you no sing good, do yoa bes an Jehovah going be happy! (2 Cor 8:12) You can make ready by practicing da songs at home.
Play da VIDEO Oua Hui Stay Moving—Songs Is One Gif, Part 1. Den ask erybody:
Back in da day, how da hui wen show dat singing good tings about Jehovah stay importan?
8. Bible Study Wit Da Local Hui
(30 min.) bt-E chap. 9 ¶1-7, intro to section 3 an box on p. 70