SEPTEMBA 2-8

TREASURES FROM DA BIBLE

1. Show Love Fo Jehovah’s Awesome Name

(10 min.)

No do notting dat make Jehovah look bad (Songs 79:9; w17.02-E 9 ¶5)

Yell to Jehovah fo help (Songs 80:18; ijwbv-E 3 ¶4-5)

Jehovah goin bless all da guys who lissen an show love fo his name (Songs 81:13, 16)

One braddah giving one jw.org contack card to somebody he work wit wen dey stay on break. — Wen you ack good an let peopo know you one Witness, dat make Jehovah’s name look good

2. Good Kine Tings

(10 min.)

Songs 80:1—How come sometimes dey wen use Joseph’s name fo talk about all da Israel ohana? (it-2-E 111)

Yoa ansa
Wat good kine tings from da Bible reading you like share?

Yoa ansa

3. Bible Reading

(4 min.) Songs 79:1–13 (th-E study 10)

HOW FO COME ONE BETTA PREACHA AN TEACHA

4. Trying Fo Talk Story Da Firs Time

(1 min.) HOUSE TO HOUSE. Ask dem if dey like study. (lmd lesson 4 point 4)

5. Trying Fo Talk Story Da Firs Time

(3 min.) RELAX KINE PREACHING. Ask dem if dey like study. (lmd lesson 4 point 3)

6. Trying Fo Talk Story Da Firs Time

(2 min.) PUBLIC PREACHING. Ask dem if dey like study. (lmd lesson 3 point 3)

7. Going Back Again

(5 min.) HOUSE TO HOUSE. Ask somebody who neva like study befoa, if dey like study now. (lmd lesson 8 point 3)

LIVE JALIKE JESUS

8. “Dey Goin Show Respeck Fo My Name”

(15 min.) Talk wit question an ansa.

Satan started fo talk stink about Jehovah’s name in da garden of Eden. Since den da mos importan choice erybody gotta make iz wedda o not dey goin show respeck fo Jehovah’s name.

Try tink about some of da pilau lies Satan wen tell about Jehovah. Satan tell dat Jehovah mean an he no kea about odda peopo. (Start 3:1-6; Job 4:18, 19) Anodda ting Satan tell iz da guys who worship Jehovah no really love Him. (Job 2:4, 5) He even wen make choke guys believe dat Jehovah neva make all da beautiful stuff in da world.—Rome 1:20, 21.

How dose bulais make you feel? Dat probly make you like stand up fo Jehovah! He knew his peopo would help fo make his name look good. (Compare Isaiah 29:23.) Wat you going do fo help?

Help oddas know Jehovah an love um. (John 17:25, 26) Be ready fo show proof dat he real, an teach oddas about his unreal qualities.—Isa 63:7
Love Jehovah wit yoa whole heart. (Mat 22:37, 38) No lissen to Jehovah ony cuz az good fo you but do um cuz you like make him happy.—Smart Guys 27:11

Pichas: Parts from da video “Show Love No Matta Wat . . . At Skool.” 1. Ariel sitting at her desk an one boy in her class point at her an ask her how come she no salute da flag. 2. She study da Bible an lesson 61 of da book “Lessons You Can Learn From the Bible”. 3. She stand up in front da class an she give one witness. 4. Somebody in Diegos class try give um one electronic cigarette. 5. He use his tablet fo do research. 6. He leave skool feelin all happy.

Play da VIDEO Show Love No Matta Wat . . . At Skool. Den ask erybody:

How Ariel an Diego wen stand up fo Jehovah’s name?

Yoa ansa
How come dey wanted fo stand up fo Jehovah?

Yoa ansa
How you can copy dem?

Yoa ansa

9. Bible Study Wit Da Local Hui

(30 min.) bt chap. 15 ¶1-7, an intro to part 6