OCTOBA 7-13
SONGS FO GOD 92-95
Song 84 An Praya | Wat We Goin Learn (1 min.)
1. Da Bes Way Fo Live Iz Fo Serve Jehovah!
(10 min.)
We owe Jehovah oua worship (Songs 92:1, 4; w18.04-E 26 ¶5)
Jehovah help his peopo fo make good choices an be happy (Songs 92:5; w18.11-E 20 ¶8)
Da kupuna who serve Jehovah stay important to him (Songs 92:12-15; w20.01-E 19 ¶18)
TRY TINK, Wass stopping me from giving myself to Jehovah an getting baptized?
2. Good Kine Tings
(10 min.)
Songs 92:5—How dese words show how akamai Jehovah stay? (cl-E 176 ¶18)
Wat good kine tings from da Bible reading you like share?
3. Bible Reading
(4 min.) Songs 94:1-23 (th-E study 5)
4. Trying Fo Talk Story Da Firs Time
(4 min.) RELAX KINE PREACHING. Find one way fo tell somebody about da work you do az one Bible teacha. (lmd lesson 5 point 3)
5. Going Back Again
(3 min.) RELAX KINE PREACHING. Ask somebody who stay interested if dey like study even tho dey neva like study befoa. (lmd lesson 8 point 4)
6. Helping Dem Be Followas
(5 min.) Talk story wit yoa Bible student dass struggling wit making changes. (lmd lesson 12 point 5)
Song 5
7. Wen Young Guys Feel Like Da Anxiety Iz Too Much
(15 min.) Talk wit question an ansa.
Even Jehovah’s peopo get anxiety. David wuz somebody who had face anxiety in his life an oua braddah’s today go thru dat too. (Songs 13:2; 139:23) Sad fo say, even da younga ones go thru um. Sometimes anxiety make eryday kine stuff like goin school o goin meetings feel like iz too much. Can even make dem get panic attacks o tink about killing demself.
Young peopo, if anxiety make you feel like you cannot hando, talk to yoa parents o one adult you can trus. No foget ask Jehovah fo help. (Php 4:6) He goin help you. (Songs 94:17-19; Isa 41:10) Try look at wat happen to Steing.
Play da VIDEO Jehovah Take Kea Me. Den ask erybody:
• Wat scripcha wen help Steing, an how come?
• How Jehovah wen take kea him?
Parents, help yoa kids fo hando dea anxiety by lissening to dem, by telling dem you love dem an by helping dem fo build dea trus dat Jehovah love dem too. (Titus 2:4; Jam 1:19) Rely on Jehovah fo help you hando an give you da strength you need fo help yoa kids.
Maybe we cannot tell wen somebody in da local hui iz dealing wit mayjah anxiety o undastand how he feel. Still yet, we can help by showing love an aloha an making erybody feel like dey part of da local hui.—Smart Guys 12:25; Heb 10:24.
8. Bible Study Wit Da Local Hui
(30 min.) bt chap. 16 ¶6-9, box on p. 132