Try Fo Learn New Tings Wen You Study

Wen we get ready fo study, maybe we goin ask ouaself, “Wat I tink I goin learn?” But jus cuz we tink we goin learn one ting, try rememba dat get odda tings Jehovah like teach us too. How we can lissen to wat Jehovah trying fo teach us?

Pray fo da smarts. Ask Jehovah fo help you undastan wat he like you fo learn now. (Jam 1:5) No jus be good wit wat you kno awready.​—Smart Guys 3:5, 6.

Respeck da powa da Bible get. “Wat God tell stay alive.” (Heb 4:12) Ery time we read da Bible, we can learn someting new dat can help us in oua life. But dat ony goin happen if we stay open to wat we can learn from da Bible.

Be tankful fo eryting Jehovah use fo teach us. His spiritual food iz like “one big luau.” (Isa 25:6) No be picky an skip da “food” dat you no tink you goin like. Goin be good fo you. You goin let God help you fo come one betta person an studying goin be good fun!