Make Strong Yoa Trus Dat Jehovah Can Save You

Read um Da Census 13:25–14:4 fo see how da Israel guys neva trus in Jehovah.

Look wat stay goin on. How come da Israel guys shoulda trus dat Jehovah can save dem? (Songs 78:12-16, 43-53) Wat had make dem start fo lose dea trus in Jehovah? (Rules 1:26-28) How Joshua an Caleb wen show dat dey had trus Jehovah?​—Cens 14:6-9.

Dig deeper. Fo make dea trus in Jehovah moa strong, wat da Israel guys shoulda done? (Songs 9:10; 22:4; 78:11) Wass da connecktion between trusting in Jehovah an showing him respeck?​—Cens 14:11.

Tink about da tings you wen learn. Ask yoaself:

• “Wen can be hahd fo me trus Jehovah?”

• “Wat can I do so I can make my trus in Jehovah moa strong now an in da future?”

• “Wen da big trouble start, wat I can kno fo shua?”​—Luk 21:25-28.