Da Biggest Flood Eva! Who Wen Lissen? Who Was Hard Head?

Choke peopo did pilau kine stuff in Noah’s dayz. Da Start 6:5

Adam an Eve wen make keikis. Laters, wen get plenny peopo on da eart. Da pilau guy Satan an his guys neva like be ohana wit Jehovah anymoa.

Dey wen come down from heaven an change, to guys fo get togedda wit wahines fo make hapa babies. Dey wen grow up fo be supa big strong guys.

Da world was filling up with pilau peopo. Da Bible says ‘everytime da peopo tink an make plan, dey only tinking how fo do bad kine stuffs all da time.’

Noah wen do all Jehovah wen tell um fo do. Da Start 6:13, 14, 18, 19, 22

Wen get one good guy Noah. Jehovah wen tell um dat he goin wipe out all da bad peopo wit one big flood.

So den Jehovah wanted fo save Noah, his ohana, an every kine animal. So Jehovah wen tell um fo go an build one big boat.

Noah, he neva sked talk strait to da peopo fo Jehovah. Dey neva lissen an wen buss laugh at Noah about da big watta coming.

Wen da big boat was pau, Noah an his ohana wen load up da animals.