Cuz Jesus Had Mahke, Wat Good Kine Tings We Goin Get?

Jesus wen mahke so can give us chance to live to da max foreva. John 3:16

3 days later afta Jesus mahke, 3 wahines wen go to da place wea dey bury Jesus. Auwe! He no stay. Jehovah wen bring um back to life!

Jesus wen show face to his frens, da apostles.

It was awesome how Jehovah wen bring him back to life, da apostles had spock how Jehovah had take um back to heaven. Now he can neva mahke again.

God had bring Jesus back to life an made um one King fo God’s Government. Daniel 7:13, 14

Jesus had mahke to pay fo our bad kine tings or sins. (Matthew 20:28) Wen he wen do dat, we get chance fo live foreva if we open our ear an hea wen God talks.

Jehovah wen pick Jesus fo be King. An wen pick 144,000 faithful peopo, dat goin be brought back to life from eart, to be wit him in heaven. All dem is goin rule ova da eart an make one solid goverment up dea.​—Wat Jesus Show John 14:1-3.

Das wen da eart goin be one cherreh paradise place. No moa missile threats, crime, no one goin mahke, starve, suffa or feel soa inside. All cuz God’s heavenly government goin take ova. Peopo goin smile foeva.​—Numba 2 From Peter 3:13.