PART 10
Wat Kine Blessings God Goin Give You If You Do Wat He Tell?
Plenny mahke guys goin come back alive on da eart. Jesus Guys 24:15
Jus imagine how good life goin be wen we do wat God like! You goin have perfek health inside an out, pau sick awready. No need worry, not goin get pilau kine guys.
Nobody goin get old an mahke no moa. Nobody goin stay soa inside, or cry, or suffa.
You goin look aroun an see only family an frens. Life in dis spesho place goin be unreal!
Notting goin make you sked. Peopo goin be so happy.