Da Dead, Can Come Back To Life?

DIS WAT DA BIBLE SAYS

“Goin come back alive.”​—Jesus Guys 24:15, Da Jesus Book.

HOW DAT GOIN MAKE YOU FEEL?

Goin make you feel good inside, even though we soa inside wen someone close to us die.​—Numba 2 Fo Da Corint Peopo 1:3, 4.

You no need be sked fo die.​—Numba 1 Fo Da Corint Peopo 15:26.

We goin fo shua be happy wen we see um again an be wit dem.​—John 5:28, 29.

CAN TRUS DA BIBLE OR WAT?

Fo shua, because:

• God wen give us guys life. Da Bible wen tell dat God “wen make everyting.” (Wat Jesus Show John 4:11; Jesus Guys 17:24, 25) Dat mean God get choke power, he garanz can bring back life.

• He wen make odda guys come back to life befo. Da Bible show us 8 times how all kine humans had come back to life on eart, like kupunas, keikis, wahine, kane kine guys. Couple of dem was dead fo litto while, even one of dem was dead fo 4 days!​—John 11:39-44.

• He can do da same fo us. Jehovah hate death so much, he goin hemo um. (Wat Jesus Show John 21:3-5) Jehovah goin bring back all da peopo dat he remember.