Intro To Paht 8

Jehovah wen bless Solomon wit plenny smarts an give him da awesome chance fo build Da Tempo, but litto by litto he wen leave Jehovah. If you one parent, show yoa kids how hanging out wit guys dat neva worship God wuz bad fo Solomon. Da kingdom wuz split up, an bad kings wen lead da peopo fo go agains Jehovah an worship idols. Dis time, plenny of Jehovah’s loyal prophets wen suffa an mahke. Queen Jezebel had drag down da kingdom of da nort side plenny fo go agains Jehovah. Dat wuz some dark days in Israel’s history. But still yet, had plenny odda faitful guys dat wen worship Jehovah in Israel, like King Jehoshafat an da prophet Elijah.