Intro To Paht 11

Dis paht start fo get us into da Christian Greek Scripchas. Jesus wuz born an raised by one ohana dat neva have plenny, an dey wen live in one small town. He wen work wit his faddah, one carpenta. Jesus iz da one who goin save erybody. Jehovah wen pick him fo be da King of his Govament up in heaven. If you one parent, help yoa kid fo see how Jehovah wen pick one good ohana an place for Jesus grow up in. Tink how Jehovah wen proteck Jesus from getting killed by Herod, an how notting can stop Jehovah from doin wat He like. Try see how Jehovah wen use John fo make da way ready fo Jesus. Show yoa kids how Jesus wen love fo learn from Jehovah, even from small kid time.