SONG 15
Tell Good Tings Bout Jesus!
1. Tell good tings bout Jesus,
Da one God wen pick az King.
He make tings fair an pono,
His rule give us choke blessings.
Respeck, love, an aloha,
He get fo Jah’s good name.
He goin show God stay awesome,
An clea His rep from blame!
(CHORUS)
Tell good tings bout Jesus!
Jehovah pick him az King.
He rule from up Mount Zion,
All dis we go tell an sing!
2. Tell good tings bout Jesus,
Who give us da chance fo live.
Cuz he wen mahke fo us,
Now God can let go oua sins.
Jehovah wen pick peopo
Fo rule wit his Boy, Christ.
Da Govament dey make up
Goin show God’s way stay right.
(CHORUS)
Tell good tings bout Jesus!
Jehovah pick him az King.
He rule from up Mount Zion,
All dis we go tell an sing!
(See also Songs 2:6; 45:3, 4; Jesus Show 19:8.)