Hold On To Jehovah Eryday

1. Like one faddah wit his keiki,

God stay holding tight to ou-a hand.

He always show us aloha,

So unreal dat we can be His fren.

Cuz God love an kea about us,

He like us come close to him.

Dass why we like make one promise,

Fo use ou-a life fo serve Him.

2. Satan know get litto time lef,

Cuz da end stay coming pretty soon.

He like fill oua life wit trouble,

He like make us sked dat we goin lose.

But Jehovah like proteck us.

We like stick real close to Him,

So we can serve Him foeva.

Stay right by His side, we goin win.

3. God wen give us choke kokua

Thru His spirit an inside His Word,

Thru da frenz inside da hui,

An His promise He goin hea oua praya.

Wen we hold on to Jehovah,

He goin help us do wass right.

He goin help us fo hang in dea,

Make Him numba one in oua life.