LESSON 29

Wat Happen Wen We Mahke?

Printed Edition

Somebody you love eva wen mahke? Wen you stay goin thru dat hard time, maybe you tink: ‘Wat happen wen we mahke? We eva goin see da ones we love again o wat?’ Inside dis lesson an da nex one, try look da good kine words da Bible get fo us.

1. Wat happen wen we mahke?

Jesus wen tell, wen you mahke is jalike one good sleep wea is hard fo wake up. Somebody who sleepin real good donno wat stay goin on aroun him. So how dass jalike somebody who wen mahke? Afta somebody mahke, he no suffa anymoa. Even if he had plenny love an aloha fo his ohana an frenz, he no goin feel like he all by himself. “Da mahke peopo donno notting,” da Bible tell.—Read um Da Teacha 9:5.

2. How dat help us fo know da trut about wen somebody mahke?

Choke peopo stay sked fo mahke—dey even sked da dead guys! But wat da Bible tell about death can help you fo res inside. Jesus wen tell: “You guys goin know da true stuff, an den you guys no need be slave guys no moa.” (John 8:32) Some religions teach dat wen somebody mahke, part of dem still stay alive. But dass not wat da Bible teach. So den, nobody goin suffa afta dey mahke. An cuz da mahke guys donno notting, dey no can hurt us. So us no need worship da dead guys o try make dem happy, an no need pray fo dem.

Some peopo tell dey can talk story wit da guys who wen mahke. But no way dat can happen. Us jus wen learn “da mahke peopo donno notting.” Get guys who tink dey talking story wit dea dead loved ones. But maybe dey stay talking story wit da demons who make pretend dey da peopo who wen mahke. Fo know da trut about death goin proteck us from da demons. Jehovah tell us fo no talk story wit da guys who wen mahke cuz he know dat talking story wit da demons goin hurt us.—Read um Da Rules Secon Time 18:10-12.

DIG MOA DEEP

Learn wat da Bible teach about wen somebody mahke, an make yoa trus moa strong in one God who get plenny love an aloha an no make da dead suffa.

A man an his two keiki sit on one bench at his wife’s an da keiki’s maddah’s funeral. Frenz an ohana stay aroun dem fo make dem res inside an feel loved.

3. Learn wat stay like fo da mahke guys

All ova da world, peopo believe diffren kine tings about wat happen wen we mahke. But all da tings peopo believe no can all be true, aah?

Wea you live, wat peopo believe about da dead?

Fo learn wat da Bible teach, play um da VIDEO.

VIDEO: Wat Stay Like Fo Da Mahke Guys?—Part Of Um (1:19)

Picha: Picha from da video ‘Wat Stay Like Fo Da Mahke Guys-Part Of Um.’ 1. One dead body on a hospital bed. 2. A guy stay sleepin between two peopo on one train ride.

Read um Da Teacha 3:20, an den talk story about dese questions:

Jalike dis scripcha tell, wat happen wen somebody mahke?
Wen somebody mahke, one part of dem keep living o wat?

Da Bible tell us about wen Jesus’ good fren Lazarus wen mahke. Try look wat Jesus wen tell about Lazarus wen you read um John 11:11-14. Den talk story about dese questions:

Wat Jesus wen tell da mahke guys stay like?
Wat dat tell us about somebody who dead?
Wat da Bible tell about death make sense o wat?

4. Knowing da true trut about death help us

Cuz we know da trut about death, us no need be sked of da guys who wen mahke. Read um Da Teacha 9:10, an den talk story about dis question:

Da guys who wen mahke can hurt us o wat?

Wen we believe da trut inside da Bible, us no goin believe we gotta worship da guys who wen mahke o do tings so dey no come mad at us. Read um Isaiah 8:19 an Jesus Show 4:11, an den talk story about dis question:

If somebody worship o ask one guy who wen mahke fo help dem, how you tink dat make Jehovah feel?

Picha: Tings peopo do fo worship da mahke guys. 1. One man kneel an pray in fron one gravestone wit food he giving da mahke guys. 2. Three guys from one tribe dance in costume. 3. One parade full of people wearin skull masks an dat get big skeletons fo da Day of da Dead. — Us not goin do tings dat Jehovah no like cuz us know da trut about death

5. Us can res inside cuz us know da trut about death

Plenny peopo wen learn dat wen dey mahke, dey goin suffa cuz of da bad tings dey wen do. Make us feel good fo know dat no goin happen—not even to somebody who wen do pilau kine stuff. Read um Fo Da Rome Peopo 6:7, an den talk story about dis question:

If da Bible tell dat wen somebody mahke, he stay let go of da bad stuff he wen do, you tink somebody who wen mahke stay suffa cuz of da tings dey wen do befoa?

Da moa we get fo know Jehovah, da moa we see he neva goin let da dead suffa. Read um Da Rules Secon Time 32:4 an 1 From John 4:8, an den talk story about dese questions: