LESSON 55
Help Yoa Local Hui
All ova da world, uku million peopo in tousans of local huis stay happy worshipping Jehovah. Dey tankful fo wat dey learn, an fo how Jehovah help dem, an dey stay ready fo help da local hui howeva can. You feel lidat about yoa local hui?
1. How you can use yoa time an mana fo help da local hui?
All us guys can help out in da local hui. Try tink, get some peopo in yoa local hui who maybe stay older, o need help? You can pick dem up fo go meeting o wat? O maybe can help dem in odda ways, like goin store o cleaning dea house? (Read um From James 1:27.) We can also ask fo help clean an take kea oua Meeting Place. No one make us do dis kine stuff. Cuz we love God an oua braddahs, we “all goin like [help].”—Songs Fo God 110:3.
Witnesses who stay baptize can do odda tings fo help da local hui. Braddahs who do wat da Bible tell can help da local hui az helpa guys o eldas. Braddahs an sistahs can do plenny fo tell da good kine tings by helping az one pionea. Some Witnesses can help by building odda places fo worship, o by moving wea one local hui need help in odda kine ways.
2. How we can use oua money an tings we get fo help da local hui?
We can “show erybody dat [we] get awesome respeck fo Da One In Charge . . . wit all da tings [we] get.” (Smart Guys 3:9) We stay happy fo give money an odda tings fo help da local hui an da preaching work all ova da world. (Read um 2 Fo Da Corint Peopo 9:7.) Da money we give stay use fo help places wea had disastas. Plenny peopo “stash some money” ery week so dey can donate um. (Read um 1 Fo Da Corint Peopo 16:2.) We can donate by putting money in da boxes at oua Meeting Place o online at donate.jw.org. Jehovah give us chance fo show we love him by how we use da tings we get.
DIG MOA DEEP
Try look some ways you can help da local hui.
3. We can use oua money an tings we get
Jehovah an Jesus love peopo dat give wit one good heart an feel good inside. Try tink, Jesus wen give good kine words to one widow who neva have plenny money, but still yet wen give someting to Jehovah. Read um Luke 21:1-4, an den talk story about dese questions:
We gotta give plenny money to Jehovah fo make him happy o wat?
How Jehovah an Jesus feel wen we happy fo give?
Fo learn how da money we donate stay use, play um da VIDEO. Den talk story about da question afta.
How da money peopo wen donate stay use fo help da huis all ova da world?
4. We can help work
Long time ago, da peopo who worship Jehovah wen work hard fo take kea wea dey stay worship. Dat mean, dey had fo give moa den jus money. Read um 2 Records 34:9-11, an den talk story about dis question:
How all da Israel peopo wen take kea da place wea dey worship Jehovah?
Fo see how Witnesses Fo Jehovah wen copy dem, play um da VIDEO. An den talk story about da questions afta.
How come az importan fo keep oua Meeting Place clean an in good shape?
Wat some ways you can help?
5. Braddahs can work hard fo do moa fo da local hui
Da Bible tell az good fo Christian braddahs fo work hard fo do az much az can fo help da local hui. Fo see how fo do dis, play um da VIDEO. Den talk story about da question afta.
Inside da video, how Ryan wen work hard fo help da local hui some moa?
Da Bible tell wat braddahs who serve az helpa guys an eldas gotta do. Read um 1 Fo Timoty 3:1-13, an den talk story about dese questions:
WAT SOME PEOPO TELL: “Eh, wea Witnesses Fo Jehovah get da money fo do da work dey do?”
Wat you goin tell um?
WAT WE WEN TALK ABOUT
Jehovah stay supa stoked wen we try help da local hui wit oua time, energy, an da tings we get.
Wat You Wen Learn
How we can use oua time an energy fo help da local hui?
How we can use da tings we get fo help da local hui?
Wat tings you like do fo help da local hui?
LEARN SOME MOA
Try look how come God no tell da guys who worship him dey gotta give ten percent of wat dey make.
Da Bible give braddahs dat stay baptize kuleana fo take kea of. But wat if one sistah dat stay baptize gotta take kea of um?
“Understanding Headship in the Congregation” (The Watchtower, February 2021)
Check out some Witnesses who no was sked fo work real hard fo bring publications fo dea braddahs an sistahs.
Try learn how wea we get da money fo oua work, not same like how odda churches get dea money.
“How Is the Work of Jehovah’s Witnesses Financed?” (Web article)