GOING BACK AGAIN
LESSON 8
Hang In Dea
Bible trut: “Wen you get love an aloha, you can . . . hang in dea long time.”—1 Cor 13:4.
Wat Jesus Wen Do
1. Watch um da VIDEO, o read um John 7:3-5 an 1 Fo Da Corint Peopo 15:3, 4, 7. Den tink about da questions:
How Jesus’ braddahs wen ack wen he wen preach to dem da firs time?
Wat wen show dat Jesus hang in dea fo help his braddah James?
Wat We Learn From Jesus?
2. We gotta hang in dea cuz some peopo take moa time den oddas fo lissen to da good kine tings.
Copy Jesus
3. Try anodda way. At da start, if somebody no like learn da Bible, we no like presha dem. Wen get chance, we like show videos o articles fo help dem undastand wat goes on wen we learn da Bible, an how dat going be good fo dem.
4. No tink erybody da same. Erybody stay diffren. Sometimes, somebody in da ohana, o da guy we wen talk story wit, hold back from learning da Bible, o get hard time believe wat da Bible tell. If dat happen, try tink how come dey feel lidat. Get anyting from dea religion dat dey get hard time give up? Maybe dey getting presha from da ohana o dea neighbas? Give dem time fo tink about wat you wen tell dem an fo see how da Bible can help dem.
5. Pule about da guy dat lissen to you. Ask Jehovah fo help you tink positive an talk nice. Pule fo know wen fo stop going back to talk to somebody who not really interested.—1 Cor 9:26.