Info Fo Delegates

ATTENDANTS Dey da guys fo help you wit any kine. Lissen to dem wen come to wea fo park, wea fo walk, if can save seats, an stuffs lidat.

BAPTIZUM Going get seats in da front of da stage fo da guys dat going get baptized, unless dey tell someting else. Guys getting baptized gotta sit in dose seats befoa da baptizum talk start on Saturday morning. Dey gotta bring dea own towel an wear nice kine swim clothes.

DONATIONS Fo make dis Big Kine Meeting good an help erybody get closa to Jehovah, cost plenny money fo get enuff seats, one good sound system, tv stuffs, an plenny odda tings. If you like, you can kokua wit da cost an support da work all ova da world. Going get boxes fo donate in diffren places inside da building. If can, go donate online at donate.jw.org. Much mahaloz fo da kokua. Jesus Luna Guys like say mahalo fo going all out fo help support Jehovah’s hui.

FIRS AID Please no foget az fo guys who get emergency ony.

LOS AN FOUND If you find someting an donno whose one, bring um to da Los An Found. If you had lose someting go dea fo check if somebody had bring um dea. If you find one kid dass los, bring um dea so dea parents can find um. Parents watch yoa keikis real good an keep um nea you, den no need fo worry about losing dem.

SEATS Tink of oddas. No go save seats fo da whole island. Save ony fo dose in yoa close ohana, guys dat ride in da same car az you, guys dat live wit you, o da guys you study wit now. An no put yoa stuffs on seats dat you no going sit in.

VOLUNTEER SERVICE If you like kokua wit da work fo dis big kine meeting, go to da Information an Volunteer Service Department.