LIVE JALIKE JESUS
Look Fo Da Way God Tink
We like make Jehovah happy in erytin we do. (Smart Guys 27:11) Fo do dat, wateva we choose fo do gotta match up wit how Jehovah tink even wen no moa one set rule fo follow. Wat can kokua us fo do dat?
Learn da Bible on da regula. Erytime we read da Bible, dass jalike we stay hangin wit Jehovah. Wen we check out how Jehovah wen treat his peopo an spock da guys who he wen tink wuz good an who wuz bad, us learn moa about Jehovah an da way he tink. Den, wen come time fo choose wat fo do, da good an spesho spirit can kokua us fo rememba da Bible truts dat we wen learn.—John 14:26.
Dig moa deep. Wen you gotta choose wat fo do, aks yoaself, ‘Wat scripchas o exampos in da Bible can kokua me fo see how Jehovah tink about dis?’ Pule to Jehovah fo help. Use da tools dat Jehovah wen give inside yoa language fo find da Bible truts dat you can use fo help wit wateva you stay dealin wit.—Songs 25:4.
WATCH UM DA VIDEO WE GOTTA “HANG IN DEA AN NO GIVE UP AN RUN DA WHOLE RACE”—EAT GOOD KINE STUFF, AN DEN ANSA DESE QUESTIONS:
Wat kine presha dis young sista had go thru?
How usin da tools fo dig moa deep can kokua you fo hando da same kine preshas?
How come iz good wen we dig moa deep inside da Bible fo help us fo choose da right way fo go?—Heb 5:13, 14