Sometin Fo Reach Fo Durin Da Time We Rememba Wen Jesus Had Mahke

Ery yea, Witnesses Fo Jehovah stay happy fo get togedda fo Rememba Wen Jesus Had Mahke. A few weeks befo an afta dat time, we get da spesho chance fo show oua mahalos an aloha to Jehovah fo givin us his boy fo cut us loose. (Efe 1:3, 7) Like, we get da chance fo go all out fo tell oddas fo come to dis spesho meetin. Some guys can even change up dea plans so dey can be one part time pionea preacha fo March o April. An dey can eitha choose fo make 30 o 50 hours fo dose monts. You tink you like try fo preach moa durin dis time fo Rememba Wen Jesus Had Mahke? Wat can help you fo do dis?

Plenny times, we get moa done wen we plan fo do sometin. (Smart Guys 21:5) If you like try fo do moa durin dis time fo Rememba Wen Jesus Had Mahke iz good fo plan now. So take da time fo tink about how you like do moa fo preach durin dis time an wat you gotta do fo make um happen. Den pule to Jehovah an ask fo his kokua.​—1 John 5:14, 15.

Wass some of da ways you can do moa fo preach durin dis time fo Rememba Wen Jesus Had Mahke?