How Fo Use Da Learn Da Bible Videos

We get four learn da Bible videos dat we can use in field service. Wat each video wuz made fo?

• 

  Study da Bible, Wat Fo?—Da Whole Ting wuz made fo help peopo like learn da Bible, no matta wat religion dey stay. Goin kokua da guys who watch um fo check out da Bible fo get ansas to da big kine questions we get about life an goin show exampos of how wat da Bible tell make sense. It even tell how dey can get one Witness Fo Jehovah fo teach dem da Bible.

• 

  Study da Bible, Wat Fo? (da fas kine one) iz jalike da whole ting video but iz way moa short. Dis might be moa betta in places wea peopo stay real busy.

• 

  How You Study da Bible wit Witnesses fo Jehovah? wuz made fo help peopo check out da free program we get fo learn da Bible by talkin story an fo ansa some questions about um. An it tell how dey can get one Witness Fo Jehovah fo teach dem da Bible.

• 

  Get Ready fo Learn da Bible wuz made fo show yoa Bible learna guys. Even tho dis video stay on page two of da You Can Live Good Foeva! book, you can still play um wen you go ova da You Can Live Good Foeva! brochure. Da video talk about wat stay in da book an how goin be wen dey learnin da Bible by talkin story.

Ery video wuz made fo one spesho reason, but you still can use um weneva iz good fo share um. If you one preacha, get fo know dese videos real good so you know wen an how fo use um.