Help Fo Study

Go Learn Moa About Jehovah’s Qualities

Wen we read da Bible, we get plenny tools fo help us undastand wat we read. But we no like study fo ony be akamai. We like learn moa about da kine God Jehovah is, so oua love fo him grow. Fo do dis, can ask ouaself, “Wat I read in da Bible teach me about Jehovah?”

We can try find out moa about Jehovah, like how much love he get, how smart he stay, how fair him, an his powa. But dass not da ony stuff fo learn about Jehovah. He get odda unreal qualities. Wea you can go learn moa about his qualities?

Check out da lis of ova 50 odda qualities inside da Watch Tower Publications Index unda da heading “Jehovah” an den da subheading “Qualities by Name.” Go study da ones dat match up wit da Bible account you stay reading. (If you can ony get da Research Guide for Jehovah’s Witnesses, look unda da heading “Jehovah God” an den da subheading “Jehovah’s Qualities.”)