How Fo Hando Wen Tings Not Fair

Read um Da Start 37:23-28; 39:17–23 fo learn from Joseph how fo hando wen tings not fair.

Check out wat was going on. How come oddas neva treat Joseph fair? (Start 37:3-11; 39:1, 6-10) How long Joseph had fo hando? (Start 37:2; 41:46) Wen all dat was going on, wat Jehovah wen do fo Joseph, but wat he neva do?​—Start 39:2, 21; w23.01-E 17 ¶13.

Dig moa deep. Wen Potifar’s wife wen lie, da Bible no tell dat Joseph wen try defend himself. How dese scripchas help us fo see how come Joseph maybe neva say notting, o why we no need all da details? (Smart Guys 20:2; John 21:25) Wat qualities wen help Joseph fo hando wen tings no was fair?​—Mic 7:7; Luk 14:11; Jam 1:2, 3.

Wat we learn. Try ask yoaself:

• “Wat no fair tings I can expeck az one of Jesus followas?” (Luk 21:12, 16, 17; Heb 10:33, 34)

• “Wat I can do now fo get ready fo tings dass not fair?” (Songs 62:7, 8; 105:17-19; w19.07-E 2-7)