Use Da Bible Like One Mirror

James wen say da Bible iz like one mirror fo help us see who we stay on da inside. (Jam 1:22-25) How we can use da Bible like one mirror?

Read um real good. If we ony look at da mirror fas kine, we might not see dat get someting wrong wit da way we look. Same lidat, if we ony read da Bible fas we not goin see da stuff about us we gotta change.

No look at odda peopo, look at yoaself. Wen we look at one mirror, sometimes we see odda peopo inside um too, an we might ony see wat stay wrong wit dem. Jus lidat, we can read da Bible an ony tink about wat odda peopo need fo change. But dat not goin help us work on da tings we gotta change.

Be flexible. If we look at ouaself in one mirror an we ony see da stuff we no like, dat can bum us out. Wen we read da Bible, we gotta be flexible in how we tink an no expeck ouaself fo be perfeck, cuz Jehovah no expeck dat.​—Jam 3:17, NWT.