SONG 136
Jehovah Like Give You Plenny Fo Wat You Do
(Ruth 2:12)
1. Jehovah, he see an he know e-ry-tin
Bout wat his guys stay go-in thru.
Dis world stay pilau an so hard fo live in,
Still yet he see da bes we do.
If you had fo leave yoa ohana an frens,
God know dat wuz hard fo give up.
He make um up now an fill up ou-a hearts,
Wit fam’ly dat las foeva.
(CHORUS)
Cuz Jehovah goin bless you pretty soon,
He like pay you back fo wat you had do.
No sked, he goin help you no fall down.
Jehovah right by you, he goin help you thru.
2. Sometimes can feel like dat da presha too much,
An no can hando any moa.
Get choke tings in life dat we worry about,
Can make ou-a heart come real soa.
God see an he know all da tings dat you need.
Fo shua, he lissen wen you pray.
Da words from da Bible an from ou-a frens
Goin help us get to da nex day.
(CHORUS)
Cuz Jehovah goin bless you pretty soon,
He like pay you back fo wat you had do.
No sked, he goin help you no fall down.
Jehovah right by you, he goin help you thru.
(See also Leadas 11:38-40; Isa 41:10.)