Jah’s Way is Love

1. Jehovah wen show real love an aloha,

Now I know how fo be.

Da tings dat he do, is easy fo see dat,

He get choke love, fo you an me.

He give us his Boy, da bestes dat he get,

Fo covah oua sins, cuz he like fogive us.

How deep his love stay, moa deep den da oceans.

Jah’s way is love, an neva goin pau.

2. Wen we walk his way, oua love fo each odda,

Goin be real, so unreal.

We get deep respeck fo olda an younga,

We get dis love, from up above.

Real love fo oua God, an love fo oua braddah,

No can jus pick one, an leave out da odda.

We let problems go, we goin stick togedda.

We prove oua love, da realest kine love.

3. Wen we love like Jah, we stay all togedda,

Tight like one, ohana.

Oua faddah above, tell us wit aloha:

‘Try come an see real unity.’

Come join in da love an da joy dat we show.

God’s spirit an word goin help da true love grow.

Oua braddahs an frens remind us so we know,

Dat God is love, Jehovah is love.