SONG 75
I Like Go, Send Me!
1. Peopo no like know God now days,
Dey no respeck Jehovah’s name.
Some tink God weak, an He no kea.
Some peopo tink dat He not dea.
Who goin tell dat God stay fo real?
Who goin wipe His spesho name clear?
(CHORUS 1)
God, I like go, send me, send me!
Share yoa name wit erybody.
Notting moa betta I can do, God.
I like go, send me, send me!
2. Some peopo tink dat God real slow,
No love fo Him, cause dey dunno.
Some bow down to tings made of rock.
Some guys pick money ova God.
Who goin tell dem about da trut?
Who goin tell da end coming soon?
(CHORUS 2)
God, I like go, send me, send me!
I no sked fo go out an preach.
Notting moa betta I can do, God.
I like go, send me, send me!
3. Get guys who stay real soa now,
Cuz dis world getting moa pilau.
Good kine hearts we trying fo find,
Share da trut, help dem res inside.
Who goin find guys whos heart stay right?
Who goin teach dem bout da bes life?
(CHORUS 3)
God, I like go, send me, send me!
I ready fo make time fo teach.
Notting moa betta I can do, God.
I like go, send me, send me!
(See also Songs 10:4; Eze 9:4.)