3. How come humans an animals stay diffren?

Afta he wen make da earth, Jehovah wen make tings fo live on um. Da firs ting he wen do is fill up da earth wit plants an animals. Den, “God make da peopo, same same jalike one copy a him. He make guy kine an wahine kine.” (Read um Da Start 1:27.) So wat make humans so spesho? Cuz we jalike one copy of God, we can show love an be fair jalike him. Ony us humans can learn one odda language, an have good fun wen us look at art an lissen to good kine music. An us humans can do someting dat animals no can do: we can worship da One who wen make us.

5. Wat da Bible tell about how life wen start make sense

VIDEO: Somebody Wen Make Da Universe, O Wat?​—Part Of Um (3:51)

• Da Bible tell dat making da earth an eryting in um, ony took six days o wat?

• You tink wat da Bible tell about how life wen start make sense? How come?

Read um Da Start 1:1, an den talk about dis question:

• Science guys tell da universe had one start. How wat dey wen figga match up wit wat you jus wen read in da Bible?

Some peopo wonda if God wen use evolution fo make life. Read um Da Start 1:​21, 25, 27, an den talk about dese questions:

• Da Bible tell Jehovah wen make ony one ting den evolution wen take ova? O he wen make eryting how was suppose to be from da start?b