-
Be Tankful Fo Da Gif Of LifeYou Can Live Good Foeva!—Learn Da Bible By Talking Story
-
-
5. No hurt da life of one bebe who no stay born yet
Using nice kine words, David wen tell dat Jehovah like know eryting dat happen wen one bebe stay grow inside his maddah. Read um Songs Fo God 139:13-17, an den talk story about dis question:
Da way Jehovah see um, somebody’s life wen start wen dey born o wen da maddah come hapai?
Long time ago, Jehovah had rules fo da Israel peopo dat wen proteck maddahs an dea bebes who no was born yet. Read um Outa Egypt 21:22, 23, an den talk story about dese questions:
If somebody wen end da life of one bebe who no stay born yet on accident, how Jehovah look dat person?
How Jehovah feel if somebody wen do dat on purpose?b
How you feel about da way God see um?
One wahine who know life stay spesho might still tink getting one abortion is her ony choice. Read um Isaiah 41:10, an den talk story about dese questions:
If one wahine get presha fo get one abortion, who she gotta ask fo help? How come?
-
-
Be Tankful Fo Da Gif Of LifeYou Can Live Good Foeva!—Learn Da Bible By Talking Story
-
-
b Da ones who wen get one abortion no need let guilt take ova dem—Jehovah can forgive dem. Fo learn some moa, check out “What Does the Bible Say About Abortion?” dat stay inside da Learn Some Moa part.
-